A SOS INFIRMIERIS ISCRITOS OPI CARBONIAIGLESIAS
Prot. 333/11 novembre 2018
A sos infirmieris iscritos OPI CarboniaIglesias
Argumentu: Curare e comunicare in sa Sanidade de Sardigna
Teneus su prexeri de si fai isciri ca su 18 de meseidas in Carbónia, a is 09,00 oras de mangianu si fait s’atóbiu ECM in argumentu.
Sa dí boleus arrexonai, in sardu puru, de sa realidadi de sa Sanidadi cumencendi de is professionistas de custu cumpartimentu, primus is infermieris, cunfrontendisí fintzes cun àteras isperiéntzias e culturas, ca sa língua, che a dónnia língua, est de cunsiderai un’aina de trabballu intanti doverosa e útili e necessària in su raportu tra su personali de sa Sanidadi e chini si ndi serbit po ndi tenni profetu, e comenti, giustamenti, s’Istadu italianu dh’arriconnoscit s’indennidade in àteras partis a citadinus italianus de àtera língua;
Is iscopus de su grupu iscientíficu e organizativu de s’OPI Carbonia-Iglésias funt cussus de:
- circai de valorizai sa língua;
- s’impreu e s’arriconnoscimentu sú in servítziu;
- s’ipótesi de arriconnòsciri a is trabballadoris s’indennidadi de bilinguismu chi narat s’art. 92 de su cuntratu de trabballu Cumpartu Sanidadi 2018
- chistionai de sa lei regionale n. 22 de su 03/07 de ocannu po sa língua sarda.
Bos’invitaus a benni a s’atóbiu ECM (po prus precisioni castiai in www.opicarboniaiglesias.it su programma chi acumpàngiat custu cumbidu) e a sa conclusioni pigai parti cun pregontas fintzas in sardu.
Feus contu chi aggradesseis su cumbidu nostu, bosi saludaus cun amighéntzia e bosi arringratziaus po s’interessamentu.